ورشات نوفمبر

أربع ورشات، أربع أحدات

كل ورشة 3 ساعات، وكلها شغل مش محاضرات: بنسأل، بنجرّب، وبنتناقش. بتقدر تسجّل بورشة وحدة، بكذا ورشة، أو بالأربعة سوا.

الأحد 1 نوفمبر5:00–8:00 مساءًالورشة 1

صورتك محروقة؟

ورشة متقدمة عن الإكسبوجر داخل كاميرتك

مش رح نشرح ISO وShutter وAperture. رح نحكي عن القرار: شو بدك تحمي بالصورة، وشو مستعد تخسر.

شو يعني dynamic range، وكاميرتك بترجّع العتمة أحسن ولا الضو؟
الـ histogram والـ zebra والـ waveform والـ false color: شو بتفيد، ووين بتكذب.
الـ ISO والـ latitude، والـ ND، والإكسبوجر كمشكلة إضاءة.

لمين: اللي بيعرف أساسيات الكاميرا وبدّه يفهمها أعمق. إذا عندك كاميرا، جيبها معك.

الأحد 8 نوفمبر5:00–8:00 مساءًالورشة 2

فريم بفريم

ورشة تحليل الضو والتكوين

بنحلل فريمات من إعلان مريمتي، وبعدين فريمات من شغلكم إنتو، وبنتناقش فيها مع بعض.

الضو: الجودة، الاتجاه، الـ contrast، حرارة اللون، ومن وين جاي.
التكوين: الكادر، المساحة الفاضية، الخطوط، العمق، وخط النظر.
كل مشارك بيعرض فريم من شغله، وبياخد feedback واضح.

لمين: اللي عنده شغل مصوّر وبدّه يقرأه بعين تانية. مجموعة صغيرة.

الأحد 15 نوفمبر5:00–8:00 مساءًالورشة 3

قبل ما نصوّر

تعالوا شاركوني التحضير لفيلم وثائقي قصير شغّال عليه، من البحث لحد ما نكون جاهزين نصوّر

بفتحلكم التحضير الحقيقي لفيلم وثائقي قصير، وإنتو بتشتغلوا معي عليه. وبنفس الوقت كل واحد بيحضّر فيلمه.

البحث، والوصول للشخصية وبناء الثقة معها.
القصة، والـ approach البصري، والصوت، والـ shot list.
العدّة على قد البادجيت، والجدول، والموافقات.

لمين: اللي عنده فكرة فيلم قصير أو وثائقي وبدّه يعرف من وين يبلّش. مجموعة صغيرة.

الأحد 22 نوفمبر5:00–8:00 مساءًالورشة 4

كيف تسعّر شغلك؟

ورشة بتساعدك تسعّر شغلك

كيف بتحط سعر لشغلك بدون ما تخسر، مع أرقام حقيقية من مشاريعنا.

التلات قبعات: الحرفي، والمنتج، وصاحب الشركة.
كيف تبني العرض من تحت لفوق، وتعرف سعرك الأدنى.
الباكجات، والدفعات، وكيف تتعامل مع بادجيت العميل.

لمين: اللي بيشتغل فريلانس أو بدّه يبلّش يشتغل، وبدّه يسعّر بطريقة واضحة.

بتختار ورشة، ولا الأربعة؟

الدفع بيصير بعد ما ينقبل طلبك، كاش بالمكتب أو تحويل بنكي. بنبعتلك التفاصيل مع رسالة القبول.

ورشة وحدة

125 شيقل

للورشة الوحدة

بتختار الورشة أو الورشات اللي بدك إياها.
كل ورشة 3 ساعات، مع الأوراق والمواد.

وفّر 100 شيقل

الباكج الكامل: الأربع ورشات

400 شيقل بدل 500

للأربع ورشات سوا

بتسجّل بالأربعة مرة وحدة، وبينقبل طلبك للأربعة سوا.
بتدفع الـ 400 مقدّم أول ما تنقبل، وهيك بتوفّر 100 شيقل.

كيف بيمشي التسجيل؟

بتعبّي الطلب

معلوماتك، الورشات اللي بدك إياها، وكم سؤال قصير عنك وعن شغلك.

بنقرأ كل طلب

المقاعد محدودة، فبنقرأ الطلبات وبنختار المشاركين.

بنتواصل معك

إذا انقبلت، بنبعتلك رسالة على الواتساب أو الإيميل فيها تفاصيل الدفع.

بتثبّت مقعدك

المقعد بيتثبّت لما تدفع، كاش بالمكتب أو تحويل بنكي.

ليش ما بنقبل الكل؟ لأنه الورشات صغيرة وكلها شغل ونقاش. بدنا مجموعة جدّية بتشتغل مع بعض وبتطلع بإشي حقيقي، مش قاعة مليانة. التسجيل مفتوح لحد ما يكتمل العدد، فكل ما سجّلت أبكر أحسن.

طَب، صورة!

طَب صورة مجتمع فلسطيني بيمكّن صنّاع الأفلام وبيحمي السردية الفلسطينية بالصورة.

الصورة مش بس توثيق. هي طريقة لفهم الواقع، واللي بيملك السرد بيأثّر على كيف الناس بتفهم اللي صاير. عشان هيك بدنا ناس من عنا يعرفوا يحكوا قصصهم بأدوات منيحة، بأصواتهم، وبعيون عربية.

بنعلّمورشات عملية وبرامج تعلّم وإرشاد، من الفكرة للشاشة.

بنبني مجتمعصنّاع صورة بيتعلّموا من بعض وبيشتغلوا مع بعض.

بنِنتجلأننا بنمارس اللي بنعلّمه: أفلام ووثائقيات وقصص بصرية.

بهاء زبن

بيدرّب الورشات · مدير طَب صورة

مخرج ومدير تصوير، بيشتغل بالوثائقي والإعلان مع مؤسسات وفنانين وأفراد. من شغله:

The Other Side of Mekorot: وثائقي عن أبو صقر، راعي من خربة الحديدية انقطعت عنه المي.
إطلاق متجر مريمتي: لمؤسسة مريم لدعم أطفال السرطان.
مركز خليل السكاكيني الثقافي: فيلم عن المركز، إنتاج وإخراج.

أسئلة بتتكرّر

بقدر أسجّل بورشة وحدة بس؟

أكيد. كل ورشة لحالها بـ 125 شيقل، وبتختار اللي بدك إياه. وإذا بدك الأربعة، الباكج بـ 400 بدل 500.

إيمتى وكيف بدفع؟

بعد ما ينقبل طلبك. الدفع كاش بالمكتب أو تحويل بنكي، وتفاصيله بتوصلك مع رسالة القبول. المقعد بيتثبّت لما تدفع. اللي ماخد الباكج بيدفع الـ 400 كاملين مقدّم.

لازم يكون معي كاميرا؟

مش شرط. بورشة "صورتك محروقة؟" إذا عندك كاميرا جيبها، بتفيدك تجرّب عليها. بباقي الورشات بتكفي ورقة وقلم وراسك.

بدي أكون محترف عشان أنقبل؟

لأ. بدنا ناس جدّية وبتشتغل بالصورة أو بدها تشتغل فيها. الورشات مش للمبتدئين تمامًا: بتفيدك أكتر إذا بتعرف أساسيات الكاميرا والتصوير.

وين الورشات بالزبط؟

مكتب طَب صورة: بيتونيا، عمارة زبانة، الطابق الخامس، مقابل عمارة FX Global.

عندي سؤال تاني

احكي معنا على الواتساب +970 592 135 608 أو الإيميل tabsora.official@gmail.com.